Ekspluatatsiya agentligi direktorining bayram tabrigi
2026-03-07 12:45:00 / Yangiliklar
Sizlar suv xo‘jaligi obyektlarining barqaror ishlashini ta’minlashda, irrigatsiya tarmoqlarini boshqarishda, melioratsiya ishlarini tashkil etishda va sohada amalga oshirilayotgan islohotlarni hayotga tatbiq etishda o‘z bilimingiz, sabr-toqatingiz va matonatingiz bilan munosib hissa qo‘shib kelmoqdasiz.
Qishning sovuq kunlarida ham, yozning jazirama issig‘ida ham suv xo‘jaligi tizimida sidqidildan mehnat qilayotgan xotin-qizlarimizning fidoyiligi, kasbiga sadoqati va mas’uliyati barchamiz uchun ibratdir.
Aziz va muhtaram ayollar!
Sizlar tizimimizga nafaqat mehnatsevarlik va mas’uliyat, balki mehr-muruvvat, samimiyat va fayz bag‘ishlab kelmoqdasiz. Shu bois tizimimizdagi har bir ayolning mehnati va o‘rni alohida qadrlanadi.
Ushbu qutlug‘ ayyomda sizlarga mustahkam sog‘liq, oilaviy baxt-saodat, xonadonlaringizga tinchlik va farovonlik tilayman. Yurtimiz ravnaqi va xalqimiz farovonligi yo‘lidagi ezgu ishlaringizda omad va muvaffaqiyatlar doimo hamroh bo‘lsin.
Yana bir bor barchangizni Xalqaro xotin-qizlar kuni bilan samimiy muborakbod etaman.
Hurmat bilan,
Zokir Ishpulatov
Suv xo‘jaligi vazirining birinchi o‘rinbosari—
Suv xo‘jaligi obyektlarini ekspluatatsiya qilish agentligi direktori