Tizim xodimlari ham hasharda faol ishtirok etmoqda
2026-03-13 13:20:00 / Yangiliklar
🌸 Navro‘z umumxalq bayrami hamda muborak Ramazon hayiti ayyomi arafasida tashkil etilayotgan ushbu ezgu tadbirlar yurtimiz hududlarini yanada obod qilish, atrof-muhit tozaligini ta’minlash va mahallalarning ko‘rkam qiyofasini yanada yaxshilashga qaratilgani bilan ahamiyatlidir.
🚜 Hashar davomida xodimlar tomonidan hududlar tartibga keltirilib, ariqlar va suv yo‘llari tozalanmoqda, yashil hududlar parvarish qilinib, daraxtlar oqlanmoqda hamda obodonlashtirish ishlari amalga oshirilmoqda. Shuningdek, sug‘orish tarmoqlari va atrofdagi hududlarni tozalash orqali suv o‘tkazuvchanligini yaxshilashga ham alohida e’tibor qaratilmoqda.
🌳 Amalga oshirilayotgan bunday obodonlashtirish ishlari hududlarning yanada fayzli ko‘rinish kasb etishiga, ekologik muhitni yaxshilashga hamda mahallalarda ozodalik va tartibni ta’minlashga xizmat qilmoqda.
🤝 Umumxalq hashari esa xalqimizning qadimiy an’analaridan biri bo‘lib, u insonlarni ezgu maqsad yo‘lida birlashtiradi, jamoada hamjihatlik va birdamlik muhitini mustahkamlaydi. Shu bois bunday tadbirlar yurtimiz obodligi va farovonligiga munosib hissa qo‘shmoqda.