Kanallarni loyqa cho‘qindilardan tozalash ishlari keng ko‘lamda amalga oshirilmoqda
2026-02-23 11:45:00 / Yangiliklar
Jumladan, “Tuyatortar–Qli” irrigatsiya tizimi boshqarmasi tomonidan “Cho‘lmulkanlik–2” hamda “Qorayantoq” kanallarida loyqa cho‘kindilarni bartaraf etish ishlari izchil amalga oshirilmoqda.
“Cho‘lmulkanlik–2” kanalida 4,7 kilometr masofada mexanizatsiyalashgan usulda tozalash ishlari bajarilmoqda. Ushbu kanal “Alisher Navoiy” FXHU hududidagi 1 000 gektar yer maydonini sug‘orish suvi bilan ta’minlashda muhim ahamiyatga ega.
Shuningdek, Sharof Rashidov tumani hududidagi “Qorayantoq” kanalida ham loyqa cho‘kindilarni tozalash ishlari amalga oshirilmoqda. Mazkur kanal “Bobur” FXHU hududidagi 1 100 gektar yer maydonining suv ta’minotida muhim o‘rin tutadi.
Tozalash ishlariga 2 ta ekskavator va 6 ta samosval texnikasi jalb etilgan bo‘lib, ishlar tasdiqlangan reja asosida jadal sur’atlarda bajarilmoqda. Amalga oshirilayotgan chora-tadbirlar sug‘orish tizimining ishonchli faoliyatini ta’minlash, suv yo‘qotilishini kamaytirish va ekin maydonlarini barqaror suv bilan ta’minlashga xizmat qiladi.