Surxondaryodagi yirik suv ombori faoliyati o‘rganildi
2026-01-15 10:25:00 / Yangiliklar
Unda Suv xo‘jaligi vazirligi huzuridagi Suv xo‘jaligi obyektlarini ekspluatatsiya qilish agentligi direktorining birinchi o‘rinbosari I. Jo‘rayev, Amu–Surxon irrigatsiya tizimlari havza boshqarmasi boshlig‘i B. Alimov, “Janubiy Surxon” suv ombori rahbari N. Karimov, shuningdek, soha mutaxassislari hamda suv omborining muhandis-texnik xodimlari va ishchi-xodimlari ishtirok etdi.
Seminar davomida suv omborining joriy texnik holati, gidrotexnika inshootlarining mustahkamligi, suvni to‘plash va taqsimlash jarayonlari, xavfsizlik talablariga rioya etilishi hamda kuz–qish va bahor-yoz mavsumlariga tayyorgarlik holati atroflicha muhokama qilindi. Shuningdek, suv resurslaridan oqilona foydalanish, suv yo‘qotishlarini kamaytirish, monitoring va nazorat tizimlarini kuchaytirish masalalariga alohida e’tibor qaratildi.
Tadbirda suv omborlarining barqaror va xavfsiz faoliyatini ta’minlash qishloq xo‘jaligi ekinlarini suv bilan uzluksiz ta’minlash, hududlarning ijtimoiy-iqtisodiy rivojlanishi hamda ekologik muvozanatni saqlashda muhim ahamiyat kasb etishi qayd etildi. Shuningdek, suv xo‘jaligi obyektlarini ekspluatatsiya qilishda zamonaviy yondashuvlar, ilg‘or tajribalar va texnologiyalarni joriy etish ustuvor vazifa ekani ta’kidlandi.
Seminarda ishtirokchilar “Janubiy Surxon” suv ombori misolida mavjud muammolar va ularni bartaraf etish yo‘llari, texnik xizmat ko‘rsatish sifatini oshirish, mas’ul xodimlarning bilim va malakasini yanada mustahkamlash masalalari yuzasidan o‘zaro fikr almashdilar.
Bildirilgan taklif va tavsiyalar asosida suv omborining foydalanish samaradorligini oshirish, xavfsizlik choralarini kuchaytirish hamda belgilangan vazifalar ijrosini ta’minlash bo‘yicha aniq va manzilli topshiriqlar belgilandi.