Agentlik direktori Qashqadaryoda sug‘orish tarmoqlarini betonlashtirish ishlari bilan tanishdi
2025-12-16 17:40:00 / Yangiliklar
So‘nggi yillarda suv resurslarini tejash maqsadida respublikamizdagi bo‘ylab keng ko‘lamli ishlar amalga oshirilmoqda. Xususan, tuproq o‘zanli kanallarni betonlashtirish bo‘yicha olib borilayotgan ishlar natijasida kanallar orqali oqib o‘tuvchi suvning isrof bo‘lishi oldi olinmoqda.
Belgilangan rejaga muvofiq ayni kunlarda Qashqadaryo viloyatining Koson, Qarshi, Kasbi va Mirishkor tumanlarida joylashgan “Gadan–Po‘lati”, “Lagandi”, “Chappa-1” va “UR-6-B” kanallarida rekonstruksiya ishlari amalga oshirilmoqda.
Bugun Suv xo‘jaligi vazirining birinchi o‘rinbosari – Suv xo‘jaligi obyektlarini ekspluatatsiya qilish agentligi direktori Zokir Ishpulatov ish jarayonlari bilan tanishish maqsadida Qashqadaryo viloyatiga tashrif buyurdi.
O‘rganish davomida mas’ullarning tizimda amalga oshirilayotgan ishlar yuzasidan hisobotlari tinglandi. Shuningdek, pudratchi va loyihachi tashkilotlar mas’ullariga betonlashtirish ishlarini belgilangan muddatlarda sifatli bajarilishini ta’minlash, ushbu jarayonda mehnat qilayotgan mexanizatorlar va brigadalar a’zolariga yetarlicha sharoitlarni yaratish bo‘yicha tegishli topshiriqlar berildi