Sariosiyoda Qurbon hayiti katta shodu xurramlik bilan boshlandi
2025-06-06 09:00:00 / Yangiliklar
Qurbon hayitining birinchi kuni vohada shodu xurramlik va shukronalik kayfiyatida boshlandi.
Muborak kunning erta tongidan tumanimizdagi 24 ta jome masjidlarida hayit namozi o‘qildi. Unda 21 mingdan ortiq namozxon saodatli kun ibodatini ado etdi.
Xususan, Sariosiyo markazida joylashgan "So‘fi Ollohyor” jome masjidi ham erta tongdan yurtdoshlarimiz bilan gavjum bo‘ldi.
Qurbon hayiti namozini ado etish uchun kelgan musulmonlar tinch-osuda va farovon hayotga shukrona aytib, elimizga tinchlik-xotirjamlik, omonlik, qut-baraka tilab duoga qo‘l ochdi.
Shuningdek, xayru-saxovat ayyomida viloyatimizning shahar va tumanlarida ko‘makka muhtoj, kam ta’minlangan, boquvchisini yo‘qotgan oilalar, yakka yolg‘iz keksalar, uyda yotib qolgan bemorlar holidan xabar olinib, oziq-ovqat mahsulotlari hamda bayram sovg‘alari yetkazib berilmoqda.