Hududlarda qishloq xo‘jaligi vazifalari va obodonlashtirish ishlari o‘rganildi
2026-10-20 07:55:00 / Qishloq va suv xo'jaligi
Sariosiyo tumani hokimi Odiljon Yaqubov tumanning “Xidirov”, “Dashnobod” hamda “Sariosiyo” hududlarida bo‘lib, 2027-yil hosili uchun g‘alla ekish maqsadida yerlarni tayyorlash, ekilgan g‘alla maydonlarini sug‘orish jarayonlari bilan tanishdi. Shuningdek, yo‘l bo‘yi hududlarini obodonlashtirish, sug‘orish tarmoqlarini betonlash maqsadida olib borilayotgan qazish ishlari ham ko‘zdan kechirildi.
Hududlarda amalga oshirilayotgan ishlar davomida agrotexnik tadbirlarning belgilangan talablar asosida tashkil etilishi, g‘alla ekish ishlarini o‘z vaqtida va sifatli yakunlash, ekin maydonlarini samarali sug‘orishni ta’minlash masalalariga alohida e’tibor qaratildi.
Shuningdek, ishlarini jadallashtirish, bajarilayotgan ishlar sifatini doimiy nazorat qilish hamda belgilangan muddatlarga qat’iy rioya etish yuzasidan mas’ullarga tegishli topshiriqlar berildi.