Qishloq xo‘jaligi, xatlov, kambag‘allikni qisqartirish va biznesni ro‘yxatga olish bo‘yicha vazifalar belgilandi
2026-10-19 08:00:00 / Ijtimoiy soha
Sariosiyo tumani hokimi Odiljon Yaqubov rahbarligida tuman prokurori B.Oltibayev, tuman IIB boshlig‘i G‘.Xo‘jamqulov, soliq inspeksiyasi boshlig‘i Sh.Qosimov, hokim o‘rinbosarlari hamda tegishli tashkilot va idoralar rahbarlari ishtirokida belgilangan topshiriqlar ijrosiga bag‘ishlangan yig‘ilish o‘tkazildi.
Yig‘ilishda qishloq va suv xo‘jaligi sohasidagi ustuvor vazifalar, xatlov jarayonlarini samarali tashkil etish, kambag‘allikni qisqartirish, elektron platforma bilan ishlashda ortda qolayotgan Diydor, Do‘stlik va Mehr-shafqat mahallalarida ishlarni jadallashtirish, shuningdek, mahallalarda “Biznesni ro‘yxatga olish” ishlari muhokama qilindi.
Kun tartibidagi masalalar yuzasidan amalga oshirilayotgan ishlar tahlil qilinib, mavjud kamchiliklarni qisqa muddatlarda bartaraf etish, ishlar samaradorligini oshirish hamda belgilangan ko‘rsatkichlarga o‘z vaqtida erishish bo‘yicha mas’ullarga aniq topshiriqlar berildi. Shuningdek, topshiriqlar ijrosini qat’iy nazoratga olish va har bir yo‘nalishda amaliy natijadorlikni ta’minlash vazifalari belgilandi.