Qishloq va suv xo‘jaligi masalalari hamda g‘alla ekish ishlarini jadallashtirish yuzasidan vazifalar belgilandi
2026-10-15 17:00:00 / Qishloq va suv xo'jaligi
Bugun Sariosiyo tumani hokimi Odiljon Yaqubov viloyat ishchi guruhi rahbari Sh.Davlatov rahbarligida, tuman prokurori B.Oltibayev, Soliq inspeksiyasi boshlig‘i Sh.Qosimov, qishloq va suv xo‘jaligi sohasi mas’ullari, hududlar hamda fermer xo‘jaliklari rahbarlari ishtirokida qishloq xo‘jaligi sohasida belgilangan vazifalar va viloyat ishchi guruhi tomonidan o‘tkazilgan o‘rganishlar natijalari yuzasidan yig‘ilish o‘tkazildi.
Yig‘ilishda qishloq xo‘jaligida amalga oshirilayotgan agrotexnik tadbirlar, xususan, 2027-yil hosili uchun yerlarni sifatli tayyorlash, g‘alla ekish, azotli mineral o‘g‘itlar bilan oziqlantirish hamda sug‘orish ishlarini jadallashtirish masalalari atroflicha muhokama qilindi.
Shuningdek, o‘rganishlar davomida aniqlangan kamchiliklarni qisqa muddatlarda bartaraf etish, agrotexnik tadbirlarni belgilangan muddatlarda va sifatli amalga oshirish, mavsumiy ishlarni uyushqoqlik bilan tashkil etish hamda har bir hududda belgilangan ko‘rsatkichlarga erishish yuzasidan mas’ullarga aniq vazifalar va tegishli topshiriqlar berildi.