Sariosiyo tumanidagi “Yangi O‘zbekiston” massivida markazlashgan issiqlik ta’minoti loyihalari ijrosi ko‘rib chiqildi
2026-10-06 11:00:00 / Korrupsiyaga qarshi kurashish
Sariosiyo tumanida aholini zamonaviy va qulay shart-sharoitlarga ega turar joylar bilan ta’minlash maqsadida “Yangi O‘zbekiston” massivi barpo etilmoqda.
Bosh prokuror o‘rinbosari S Samadov boshchiligidagi ishchi guruh mazkur massivda bo‘lib, amalga oshirilayotgan qurilish ishlari hamda hududni muhandislik-kommunikatsiya tarmoqlari bilan ta’minlash jarayonlari bilan tanishdi.
Jumladan, turar joylarni elektr energiyasi, markazlashgan issiqlik ta’minoti va boshqa kommunal xizmatlar bilan ta’minlashga qaratilgan loyihalarning amaldagi holati o‘rganildi.
Tashrif davomida mas’ullarning axborotlari tinglanib, issiqlik va elektr ta’minoti loyihalarini sifatli amalga oshirish, ishlarni belgilangan muddatlarda yakunlash hamda obyektlarning barqaror faoliyatini ta’minlash bo‘yicha tegishli vazifalar belgilandi.