Mahallalarda xatlov, bandlik va soliq tushumlari bo‘yicha ustuvor vazifalar belgilandi
2026-10-05 07:05:00 / Jonli muloqot
Sariosiyo tumani hokimi Odiljon Yaqubov rahbarligida tuman IIB boshlig‘i G‘.Xo‘jamqulov, Soliq inspeksiyasi rahbari Sh.Qosimov, mahalla yettiligi a’zolari hamda tegishli mas’ullar ishtirokida ZOOM platformasi orqali onlayn yig‘ilish o‘tkazildi.
Yig‘ilishda mahallalarda olib borilayotgan ishlar tahlil qilinib, quyidagi ustuvor vazifalar muhokama qilindi:
🔵 mahallalarda obodonlashtirish va ko‘kalamzorlashtirish ishlarini jadallashtirish;
🔵 kambag‘allikni qisqartirish maqsadida xonadonbay xatlov ishlarini yakunlash hamda ma’lumotlarni platformaga to‘liq, ishonchli va sifatli kiritish;
🔵 mahallalar kesimida belgilangan kunlik soliq tushumlari prognoz ko‘rsatkichlari ijrosini ta’minlash;
🔵 online-mahalla.uz platformasiga ma’lumotlarni o‘z vaqtida va to‘liq kiritish holatini nazorat qilish;
🔵 mahalla "yettiligi" faoliyati samaradorligini oshirish hamda ular oldida turgan boshqa dolzarb vazifalar ijrosini ta’minlash.
Yig‘ilish yakunida barcha yo‘nalishlarda ishlarni jadallashtirish, belgilangan topshiriqlar ijrosini o‘z vaqtida va sifatli ta’minlash hamda har bir vazifa bo‘yicha aniq natijaga erishish yuzasidan mas’ullarga tegishli topshiriq va ko‘rsatmalar berildi.