Abdulla Qahhor shoh ko‘chasida zamonaviy qiyofa yaratish ishlari bosqichma-bosqich amalga oshirilmoqda
2026-10-05 07:20:00 / Yangiliklar
Sariosiyo tumani hokimi Odiljon Yaqubov tegishli mutasaddilar bilan birgalikda tumanning markaziy Abdulla Qahhor shoh ko‘chasida amalga oshirilayotgan obodonlashtirish ishlari bilan tanishdi.
O‘rganish davomida ko‘chani zamonaviy qiyofaga keltirish doirasida bajarilayotgan ishlar ko‘zdan kechirildi. Xususan, piyodalar yo‘laklarini barpo etish, elektr ustunlari va beton ariqlarni o‘rnatish, ko‘kalamzorlashtirish, yo‘l bo‘yidagi hududlarni tartibga keltirish hamda sanitariya holatini yaxshilash masalalariga alohida e’tibor qaratildi.
Shuningdek, xonadonlarning tashqi ko‘rinishini yagona me’moriy-estetik talablar asosida tartibga keltirish va noqonuniy qurilmalarni bartaraf etish bo‘yicha amalga oshirilayotgan ishlar muhokama qilinib, belgilangan ishlarni sifatli va o‘z muddatida yakunlash yuzasidan mas’ullarga tegishli topshiriqlar berildi.