Sariosiyoda 9 oylik ko‘rsatkichlarni ijobiy yakunlash bo‘yicha orqada qolayotgan yo‘nalishlar muhokama qilindi
2026-09-29 10:00:00 / Yangiliklar
Sariosiyo tumani hokimi Odiljon Yaqubov, tuman prokurori B.Oltibayev, tuman IIB boshlig‘i G‘.Xo‘jamqulov, Soliq inspeksiyasi rahbari Sh.Qosimov rahbarligida hokim o‘rinbosarlari, tegishli tashkilot va idoralar rahbarlari hamda mas’ul mutasaddilar ishtirokida kunlik reyting ko‘rsatkichlari va belgilangan topshiriqlar ijrosi yuzasidan muhokama yig‘ilishi o‘tkazildi.
Yig‘ilishda soliq tushumlari prognozi ijrosi, mikroloyihalarni ishga tushirish, yoshlar bandligini ta’minlash, oilaviy tadbirkorlik dasturi doirasidagi NPL qarzdorliklarini undirish, eksport prognozi hamda kunlik reyting ko‘rsatkichlari tahlil qilindi.
Yakunida mavjud kamchiliklarni bartaraf etish, belgilangan ko‘rsatkichlarga o‘z vaqtida erishish va topshiriqlar ijrosini jadallashtirish yuzasidan mas’ullarga aniq vazifalar belgilandi.