Sariosiyoda 5 ming qadam yurish va ertalabki badantarbiya mashg‘ulotlari tashkil etildi
2026-09-17 09:00:00 / Sport
Sariosiyo tumanida aholi o‘rtasida sog‘lom turmush tarzini keng targ‘ib etish, jismoniy faollikni oshirish hamda ommaviy sportni rivojlantirish maqsadida ertalabki badantarbiya mashg‘ulotlari tashkil etildi.
Tadbir Sariosiyo tumani hokimligi, Yoshlar ishlari agentligi, Sport maktabi hamda "Nuroniy" jamg‘armasi hamkorligida Yangi O‘zbekiston massivida o‘tkazildi. Unda fuqarolar, yoshlar va faol nuroniylar ishtirokida 5 ming qadam yurish, ertalabki badantarbiya hamda sog‘lomlashtirish mashqlari bajarildi.
Mazkur mashg‘ulotlar aholining salomatligini mustahkamlash, sog‘lom turmush tarzini keng ommalashtirish, jismoniy faollikni oshirish va sport bilan muntazam shug‘ullanish madaniyatini shakllantirishga qaratildi.
Sog‘lom turmush tarzi — jamiyat farovonligi va barkamol avlod tarbiyasining muhim omilidir.