Bosh prokuratura ishchi guruhi Sariosiyo tumanida huquqbuzarliklar profilaktikasi va xavfsiz muhit yaratish borasidagi ishlarni o‘rgand
2026-09-11 08:00:00 / Yangiliklar
Bosh prokurorning birinchi o‘rinbosari B.Valiyev rahbarligidagi Respublika idoralararo muvofiqlashtiruvchi shtabi ishchi guruhi tomonidan Sariosiyo tumanida o‘rganishlar o‘tkazildi.
Jumladan, tumanda uch yildan buyon “qizil” toifada bo‘lgan “Mirzo Ulug‘bek” mahallasida aholi tinchligi va osoyishtaligini ta’minlash, “ijtimoiy profilaktika” tamoyili asosida amalga oshirilgan ishlar samaradorligi o‘rganildi.
Shuningdek, Huquqni muhofaza qilish akademiyasi tomonidan “ilmiy xulosa – tavsiya – natija” tamoyili asosida jinoyatchilikning omil va sabablarini aniqlash hamda bartaraf etish bo‘yicha o‘tkazilgan ilmiy tahlil va tavsiyalar, aholini kambag‘allikdan chiqarish bo‘yicha favqulodda ish rejimi taqdimoti bilan tanishildi.
O‘rganish natijalariga ko‘ra, faoliyatni yanada jadallashtirish bo‘yicha mas’ullarga tegishli topshiriq va ko‘rsatmalar berildi.
Shu bilan birga, tumandagi “qizil” toifada bo‘lgan “Afrosiyob” mahallasining kirish-chiqish joylari hamda aholi gavjum hududlarini videokuzatuv kameralari bilan qamrab olish, mahalla fuqarolar yig‘ini uchun yangi barpo etilgan binoda yaratilgan shart-sharoitlar hamda huquqbuzarliklar profilaktikasi yo‘nalishida amalga oshirilgan ishlar o‘rganildi.
Faoliyat samaradorligini oshirish bo‘yicha mas’ullarga bir qator vazifalar topshirildi.