Tashabbusli budjet: hududlar rivoji va xizmatlar sifati yaxshilanmoqda
2026-09-04 11:30:00 / Tadbirlar
Sariosiyo tumani Tibbiyot birlashmasi hamda Tez tibbiy yordam jamoasi “Tashabbusli budjet” loyihasida faol ishtirok etib, ilgari surgan tashabbuslari bilan g‘oliblar qatoridan joy olgan edi.
Bugun Sariosiyo tumani hokimi Odiljon Yaqubov Sa’diy Sheroziy mahallasiga tashrifi davomida tuman Tibbiyot birlashmasiga qarashli Bolalar poliklinikasi bo‘linmasi hududida Sariosiyo tuman tez tibbiy yordam stansiyasi uchun zamonaviy bino va avtoturargoh qurish loyihasi doirasida olib borilayotgan qurilish-ta’mirlash ishlarini o‘rgandi.
Mas’ullarga qurilish ishlarini belgilangan loyiha asosida, sifatli va o‘z muddatida yakunlash, hudud infratuzilmasini yanada yaxshilash bo‘yicha tegishli topshiriqlar berildi.