Qishloq xo‘jaligida dolzarb vazifalar ijrosi va kunlik reyting ko‘rsatkichlari muhokama qilindi
2026-08-24 09:15:00 / Qishloq va suv xo'jaligi
Sariosiyo tumani hokimi Odiljon Yaqubov rahbarligida tuman IIB boshlig‘i G‘.Xo‘jamqulov, Soliq inspeksiyasi rahbari Sh.Qosimov, qishloq va suv xo‘jaligi sohasi mas’ullari hamda tegishli korxona va tashkilotlar rahbarlari ishtirokida yig‘ilish o‘tkazildi.
Unda qishloq xo‘jaligi sohasida amalga oshirilayotgan ishlar, xususan, g‘o‘za maydonlarida agrotexnik tadbirlarni o‘z vaqtida va sifatli bajarish, defoliatsiya jarayonlarini jadallashtirish hamda paxta yig‘im-terimiga puxta tayyorgarlik ko‘rish masalalari muhokama qilindi.
Shuningdek, kunlik reyting ko‘rsatkichlari, belgilangan vazifalar ijrosi hamda istiqboldagi ustuvor yo‘nalishlar yuzasidan mas’ullarning hisobotlari tinglandi. Tanqidiy tahlil asosida mavjud kamchiliklarni bartaraf etish, topshiriqlar ijrosini qat’iy nazoratga olish va ishlarni samarali tashkil etish bo‘yicha mas’ullarga aniq vazifalar belgilab berildi.