Yangihayot mahallasida obodonlashtirish ishlari o‘rganildi
2026-07-21 08:10:00 / Tadbirlar
Sariosiyo tumani hokimi Odiljon Yaqubov tomonidan tumanning Yangihayot mahallasi kirish qismida olib borilayotgan obodonlashtirish ishlari joyiga chiqib o‘rganildi.
O‘rganish davomida Obodonlashtirish boshqarmasi xodimlari tomonidan amalga oshirilayotgan daraxtlarga shakl berish, ularning tanasini oqlash, yo‘l bo‘yidagi hududlarni tozalash, yashil maydonlarni tartibga keltirish hamda hududning sanitariya holatini yaxshilash ishlari ko‘zdan kechirildi.
Shuningdek, mahallada fuqarolari uchun obod, ozoda va qulay muhit yaratish borasida amalga oshirilayotgan ishlarning sifati va borishi muhokama qilinib, aniqlangan kamchiliklarni bartaraf etish hamda belgilangan vazifalarni o‘z vaqtida va sifatli bajarish yuzasidan mutasaddi tashkilotlar hamda mas’ul shaxslarga aniq topshiriqlar berildi.