To‘palang daryosi bo‘yida xizmat ko‘rsatish va savdo infratuzilmasini rivojlantirish ishlari o‘rganildi
2026-07-10 14:00:00 / Qurilish masalalari
Sariosiyo tumani hokimi Odiljon Yaqubov tegishli mas’ullar bilan birgalikda To‘palang daryosi bo‘yida tadbirkorlikni rivojlantirish, yangi ish o‘rinlarini yaratish hamda xizmat ko‘rsatish va savdo nuqtalarini tashkil etish bo‘yicha amalga oshirilayotgan loyihalar, shuningdek, hudud infratuzilmasini yaxshilash ishlari bilan tanishdi.
O‘rganish davomida loyihalarning amalga oshirilish jarayoni, qurilish ishlari hamda muhandislik-kommunikatsiya infratuzilmasini yaxshilash yuzasidan mas’ullarning axborotlari tinglandi.
Shuningdek, loyihalarni belgilangan muddatlarda va sifatli yakunlash, ishlar samaradorligini oshirish, hududning investitsiyaviy va turizm salohiyatidan samarali foydalanish hamda barcha mavjud imkoniyatlarni safarbar etgan holda qurilish ishlarini jadallashtirish yuzasidan mas’ullarga aniq topshiriqlar berildi.