Hokimliklar axborot xizmatlari rahbarlari uchun malaka oshirish kurslari bo‘lib o‘tdi
2026-06-15 07:15:00 / Sohaga oid nashrlar
O‘zbekiston jurnalistika va ommaviy kommunikatsiyalar universitetida Surxondaryo viloyati hamda shahar-tuman hokimliklari axborot xizmati rahbarlari uchun malaka oshirish bo‘yicha o‘quv kurslari o‘tkazildi.
Uch kun davom etadigan o‘quvlarda ishtirokchilar davlat kommunikatsiyasi, PR va brending, krizis kommunikatsiyalari, faktcheking, reputatsiyani boshqarish, media mahsulotlarni tahlil qilish, fotojournalistika hamda zamonaviy kommunikatsion kampaniyalarni tashkil etish bo‘yicha bilim va ko‘nikmalarini oshirishdi.
Mashg‘ulotlar O‘zJOKU professor-o‘qituvchilari va soha mutaxassislari tomonidan interaktiv treninglar hamda amaliy mashg‘ulotlar shaklida olib borildi.
Mazkur kurslar axborot xizmatlari faoliyati samaradorligini oshirish, jamoatchilik bilan ochiq va tezkor muloqotni yanada kuchaytirishga xizmat qiladi.