Surxondaryo viloyati Sariosiyo tumani hokimligi

Prezident Administratsiyasi Rahbarining maxsus topshirig‘iga asosan qabristonlarni obod qilish, ularni saqlash hamda mavjud muammolarni bartaraf etish yuzasidan belgilangan vazifalar ijrosini ta’minlash maqsadida Sharg’un shahridagi “Birodarlik” qabristonida seminar tashkil etildi.

Bugun Sariosiyo tumani hokimi Odiljon Yaqubov rahbarligida o‘tkazilgan seminarda Obodonlashtirish boshqarmasining qabristonlarga biriktirilgan mas’ul xodimlari, mahalla raislari, imom-xatiblar, nuroniylar va oqsoqollar ishtirok etdi.

Seminar davomida tumandagi qabristonlarni xatlovdan o‘tkazish, ularni obodonlashtirish, zamonaviy devorlar bilan o’rash, darvozalar o’rnatish, yo’laklarni betonlash, hududlarni begona o‘tlardan tozalash, daraxt va butalarni tartibga keltirish, gul hamda manzarali ko‘chatlar ekish, qabristonlarni ozoda va fayzli maskanga aylantirish masalalariga alohida e’tibor qaratildi.

Shuningdek, qabristonlarni muntazam saqlash tizimini yo‘lga qo‘yish, bu boradagi ishlarni mahalla va jamoatchilik bilan hamkorlikda tashkil etish yuzasidan mas’ullarga tegishli topshiriq va ko‘rsatmalar berildi.