“Yangi O‘zbekiston” massividagi ichimlik suvi ta’minoti loyihasi bo‘yicha olib borilayotgan ishlar o‘rganildi
2026-04-28 09:00:00 / Qurilish masalalari
Prezidentimiz tashabbusi bilan aholini barcha zarur infratuzilma va kommunal tarmoqlar bilan ta’minlangan zamonaviy turar joylar bilan ta’minlash maqsadida mamlakatimiz bo‘ylab “Yangi O‘zbekiston” massivlari barpo etilmoqda. Bir hududda ko‘plab turar joylarni o‘z ichiga olgan mazkur massivlarni muhandislik-kommunikatsiya tarmoqlari bilan barqaror ta’minlash muhim vazifalardan biri hisoblanadi.
Shu maqsadda, bugun Sariosiyo tumani hokimi Odiljon Yaqubov Lutfkor mahallasida barpo etilayotgan “Yangi O‘zbekiston” massivida aholini toza ichimlik suvi bilan ta’minlashga qaratilgan qurilish loyihasi doirasida amalga oshirilayotgan ishlarni ko‘zdan kechirdi.
Mas’ullar tomonidan mavjud muammolar va ularni bartaraf etish choralari yuzasidan batafsil axborot berildi.
Shunga ko‘ra, tuman rahbari tomonidan loyihani to‘liq ishga tushirish, hududni obodonlashtirish, mavjud bo‘sh maydonlarda manzarali daraxt va butalar ekish ishlarini jadallashtirish bo‘yicha tegishli topshiriqlar berildi.