Amir Temur tavalludining 690 yilligi doirasida taqdirlash marosimi o‘tkazildi
2026-04-09 12:55:00 / Tadbirlar
“Amir Temur izdoshlari” shiori ostida o‘tkazilgan “Zakovat” intellektual o‘yinlarining tuman bosqichi g‘oliblarini taqdirlash marosimi Yoshlar bog‘idagi kinoteatr binosida tantanali ravishda tashkil etildi.
Tadbirda tuman prokurori yordamchisi G‘. Allaqulov, tuman “Nuroniy” jamg‘armasi raisi S. Qosimov hamda Respublika Ma’naviyat va ma’rifat markazi Sariosiyo tuman bo‘linmasi rahbari H. Normatov ishtirok etib, yoshlarning bilim va salohiyatini yuqori baholadilar hamda ularni kelgusida yanada faol bo‘lishga undadilar.
Musobaqa yakunlariga ko‘ra g‘oliblar quyidagicha aniqlandi:
🥇 1-o‘rin — 1-maktab (3 000 000 so‘m)
🥈 2-o‘rin — 16-maktab (2 000 000 so‘m)
🥉 3-o‘rin — 80-maktab (1 000 000 so‘m)
Tadbir yakunida g‘oliblarga tuman hokimligi tomonidan belgilangan pul mukofotlari tantanali ravishda topshirildi.
Mazkur tadbir yoshlar o‘rtasida intellektual salohiyatni rivojlantirish, ularni vatanparvarlik ruhida tarbiyalash hamda buyuk ajdodlarimiz merosiga hurmat tuyg‘usini mustahkamlashga xizmat qiladi.