Yangi O‘zbekiston ayollari – kuch, mehr va ilhom timsoli: Sariosiyoda jamiyatimiz gultojlariga ehtirom ko‘rsatildi
2026-03-08 14:00:00 / Tadbirlar
Sariosiyo tumanidagi “Shohsaroy” tantanalar saroyida 8-mart – Xalqaro xotin-qizlar kuni munosabati bilan Sariosiyo tumanining asosiy bayram tadbiri bo‘lib o‘tdi. Unda tuman hokimi Odiljon Yaqubov ishtirok etib, xotin-qizlarni samimiy muborakbod etdi.
Tuman hokimi o‘z tabrigida ayollarning jamiyatda tutgan o‘rni va fidokorona mehnatini alohida e’tirof etib, ularga bo‘lgan e’tibor va hurmat davlat siyosatining ustuvor yo‘nalishlaridan biri ekanini ta’kidladi.
Fayzli davra va to‘kin dasturxon atrofida tashkil etilgan tadbir vohamizning taniqli san’atkorlari hamda badiiy jamoalar ijrosidagi konsert dasturi bilan yanada ko‘tarinki ruhda davom etdi. Bayram ishtirokchilariga unutilmas kayfiyat va samimiy taassurotlar ulashildi.