Sariosiyo tumanida aholi va qishloq xo‘jaligini ro‘yxatga olish jarayonlari muhokama qilindi
2026-02-25 08:30:00 / Yangiliklar
Sariosiyo tumanida aholi va qishloq xo‘jaligini ro‘yxatga olish ishlarining ikkinchi bosqichi izchil davom etmoqda. Shu munosabat bilan tuman hokimi Odiljon Yaqubov rahbarligida navbatdagi yig‘ilish o‘tkazildi.
Yig‘ilishda mazkur muhim jarayonning amalga oshirilish holati, erishilgan natijalar hamda yo‘l qo‘yilgan kamchiliklar atroflicha tahlil qilindi. Shuningdek, ro‘yxatga olish ishlarini samarali tashkil etish yuzasidan zarur chora-tadbirlar belgilab olindi.
Unda Surxondaryo viloyati statistika boshqarmasi boshlig‘i o‘rinbosari G‘.Xazratqulov, Ro‘yxatga olish jarayonlarini tashkil etish va o‘tkazish bo‘limi boshlig‘i T.Mamatmurodov, tuman statistika bo‘limi boshlig‘i O.Qosimov, tegishli mas’ullar hamda aloqador “mahalla yettiligi” vakillari ishtirok etdi.
Yig‘ilishda asosiy e’tibor hali ro‘yxatdan o‘tmagan xonadonlarni to‘liq qamrab olish masalasiga qaratildi. Mutasaddilarga uyma-uy yurib ro‘yxatga olish ishlarini yanada jadallashtirish, jarayonda har bir fuqaroning faol ishtirokini ta’minlash yuzasidan aniq topshiriqlar berildi.