Surxondaryo viloyati Sariosiyo tumani hokimligi

Prezidentimiz topshiriqlari asosida hududlarda aholi uchun munosib turmush sharoitlarini yaratish, mahallalar infratuzilmasini yaxshilash bo‘yicha keng ko‘lamli ishlar amalga oshirilmoqda. Hududlarga tashriflar davomida ushbu masalaga alohida e’tibor qaratilmoqda.

Sariosiyo tumani hokimi Odiljon Yaqubov tumanda tadbirkorlar faoliyati va yaratilgan ish o‘rinlarini hamda aholi turmush farovonligini oshirish borasida amalga oshirilayotgan ishlar bilan tanishish maqsadida tumanning Yangihayot mahallasiga tashrif buyurib, mahallada fuqaro Sh.Mirzayeva tomonidan oila xonadonida tashkil qilingan milliy kashtachilik, so‘zana va ko‘rpa-to‘shak tikish faoliyati hamda ishlab chiqarish jarayonlari bilan tanishildi.

Bundan tashqari, tumani rahbari Yangihayot mahallasiga tashrifi davomida aholi tomorqalaridan samarali foydalanish jarayonlarini, jumladan mahallada yashovchi fuqaro O‘.O‘zbekova xonadonida tashkil qilingan issiqxona hamda chorvachilik faoliyati ham ko‘zdan kechirildi.

Shuningdek, mas’ullarga mahallada aholi bandligini ta’minlash, tadbirkorlikni qo‘llab-quvvatlash hamda ijtimoiy sohalarda mavjud muammolarni bartaraf etish bo‘yicha tegishli topshiriq va ko‘rsatmalar berildi.