Sariosiyoda voyaga yetmagan yoshlar bilan uchrashuv bo‘lib o‘tdi
2025-12-18 10:00:00 / Ijtimoiy soha
Surxondaryo viloyati hokimi Ulug‘bek Qosimov tomonidan berilgan topshiriq ijrosini ta’minlash maqsadida Sariosiyo tumanidagi voyaga yetmagan yoshlar bilan uchrashuv o‘tkazildi.
Unda, tuman hokimi O.Yaqubov, tuman prokurori B.Oltibayev, tuman Ichki ishlar bo‘limi boshlig‘i G‘.Xo‘jamqulov, tuman Soliq inspeksiyasi rahbari Sh.Qosimov, tuman bolalar masalalari bo‘yicha tuman komissiyasi a’zolari va boshqa mas’ullar hamda voyaga yetmagan yoshlar va ularning ota-onalari ishtirok etishdi.
Uchrashuvda, yoshlar va ota-onalarining har biri bilan yaqindan suhbatlashib, ularning ta’lim olishlari, darsdan bo‘sh vaqtlarda tayyorlov to‘garaklarga qatnashishi, sog‘ligini yaxshilash, moddiy va ma’naviy qo‘llab-quvvatlash bo‘yicha chora-tadbirlar belgilab olindi.
Shuningdek, tadbir yakunida tuman mutasaddilari tomonidan voyaga yetmagan yoshlarga O‘zbek yozuvchilari va xorijiy mualliflarning asarlari o‘rin olgan kitoblar jamlanmasi topshirildi.