Qishloq va suv xo‘jaligidagi vazifalar ijrosi muhokama qilindi
2025-12-19 09:00:00 / Qishloq va suv xo'jaligi
Sariosiyo don qabul qilish maskanida tuman hokimi Odiljon Yaqubov, tuman prokurori B.Oltibayev, tuman Ichki ishlar bo‘limi boshlig‘i G‘.Xo‘jamqulov, tuman Soliq inspeksiyasi rahbari Sh.Qosimov rahbarligida tumanning G.Xidirov, I.Diyorov, Bobur va Dashnobod hududlaridagi paxta-g‘alla fermer xo‘jaliklar ishtirokida uchrashuv o‘tkazildi.
Tuman mutasaddilari tomonidan sohada amalga oshirilishi lozim bo‘lgan muhim masalalar muhokama qilinib, mas’ullarning axborotlari tinglandi.
Xususan, uchrashuvda g‘alla maydonlarga mahalliy o‘g‘it jamg‘arish va sharbat usulida sug‘orish jarayonlarini sifatli tashkil etish, ichki sug‘orish tarmoqlarini betonlash ishlarini jadallashtirish, dala madaniyatini shakllantirish va obodonlashtirish ishlarini amalga oshirish hamda “Yashil makon” umummilliy loyihasi doirasida ko‘chatlar ekish yuzasidan tegishli ko‘rsatmalar va topshiriqlar berdi.
Shuningdek, sohada belgilangan ishlarni sifatli va muddatida amalga oshirish bo‘yicha mas’ullarga vazifa yuklandi hamda agrotexnik tadbirlarni bajarilishi yuzasidan tizimli ish olib borish bo‘yicha ko‘rsatmalar berildi.