Sanoat korxonalari faoliyati bilan tanishildi
2025-12-10 16:20:00 / Qurilish masalalari
Sariosiyo tumanidagi sanoat korxonalari faoliyati o‘rganish ishlari davom etmoqda
Sariosiyo tumani hokimi Odiljon Yaqubov, tuman prokurori B.Oltibayev, tuman Soliq inspeksiyasi rahbari Sh.Qosimov hamda aloqador mas’ullar bilan birgalikda tumandagi “Sariosiyo-Guliston-Trans” mas’uliyati cheklangan jamiyatiga tashrif buyurdi.
Xususan, o‘rganish davomida korxonaning ishlab chiqarish salohiyati, ishchi-xodimlarga yaratilgan sharoiti, mahsulot sifati va imkoniyatlari ko‘zdan kechirildi. Shuningdek, mavjud muammolarni bartaraf etish va faoliyat samaradorligini oshirish bo‘yicha tavsiyalar berildi.
Mazkur tashrifdan ko‘zlangan asosiy maqsad - tadbirkorlar uchun qulay sharoitlar yaratish, ishlab chiqarish jarayonini uzluksiz ta’minlash hamda yangi ish o‘rinlari tashkil etish orqali tuman iqtisodiyotini yanada rivojlantirishdan iboratdir.