Sariosiyo tumanida 2026-yil hosili uchun boshoqli don ekinlarini ekish ishlari jadal sur’atlarda davom etmoqda.
2025-11-07 08:30:00 / Qishloq va suv xo'jaligi
Sariosiyo tuman hokimi Odiljon Yaqubov tegishli mas’ullar bilan birgalikda tumanning “G.Xidirov ” va “Toqchiyon” hududlarida g‘alla urug‘larini ekish ishlari ijrosini o‘rgandi.
Tashrif davomida hosildorlikni oshirishning asosiy omillaridan biri - urug‘larni o‘z vaqtida ekish va ularning to‘liq unib chiqishini ta’minlash ekanligi ta’kidlandi. Shu munosabat bilan joylardagi mutasaddilarga ishlarni tizimli va sifatli tashkil etish, suv resurslaridan oqilona foydalanish hamda tejamkorlikni ta’minlash bo‘yicha aniq topshiriqlar berildi.
Shuningdek, ekin maydonlarida agrotexnika tadbirlariga qat’iy rioya etish, fermer xo‘jaliklari o‘rtasida tajriba almashinuvini yo‘lga qo‘yish va mavjud imkoniyatlardan to‘liq foydalanish zarurligi qayd etildi.