Qarshi shahri delegatsiyasi Boku forumida yirik investitsion kelishuvlarga erishdi
2026-05-19 19:05:00 / Yangiliklar
World Urban Forum doirasida Boku shahrida ishtirok etayotgan Qarshi shahri delegatsiyasi xalqaro hamkorlikni kengaytirish va investitsiyalarni jalb etish bo‘yicha qator samarali uchrashuvlar o‘tkazmoqda. Delegatsiyaga Qarshi shahar hokimi N. Xolboyev boshchilik qilmoqda.Forum doirasida Xitoy va Birlashgan Arab Amirliklarining yirik kompaniyalari vakillari bilan qurilish sanoatini rivojlantirish, zamonaviy texnologiyalarni joriy etish, innovatsion qurilish materiallari ishlab chiqarish hamda shahar infratuzilmasini modernizatsiya qilish yuzasidan muhim kelishuvlarga erishildi.Ta’kidlanishicha, mazkur muzokaralar Qarshi shahrining investitsion jozibadorligini oshirish, yangi ish o‘rinlari yaratish va sanoat salohiyatini yanada mustahkamlashga xizmat qiladi.Shuningdek, gigiyena vositalari ishlab chiqarishga ixtisoslashgan hamda mahsulotlarini dunyoning 96 ta davlatiga eksport qilayotgan "Predo" kompaniyasi rahbariyati bilan ham muhim investitsion kelishuv imzolandi.Kelishuvga ko‘ra, Qarshi shahrida zamonaviy ishlab chiqarish korxonasi tashkil etilishi rejalashtirilmoqda. Loyiha doirasida gigiyena vositalari, suyuq sovun, kir yuvish kukunlari, nam salfetkalar, shampunlar va bolalar tagliklari ishlab chiqarish yo‘lga qo‘yiladi.Yangi korxona ishga tushirilishi natijasida ichki bozorni sifatli mahsulotlar bilan ta’minlash, eksport hajmini oshirish hamda yuzlab yangi ish o‘rinlarini yaratish imkoniyati yuzaga keladi.