Xalq deputatlari Qarshi shahar Kengashining VII chaqiriq 21-sessiyasi bo‘lib o‘tdi
2026-05-12 22:20:00 / Yangiliklar
Sessiyada shaharni kompleks ijtimoiy-iqtisodiy rivojlantirish dasturining 2026-yil 1-chorakdagi ijrosi hamda hududni ijtimoiy-iqtisodiy rivojlantirishning eng muhim va dolzarb masalalari muhokama qilindi.Shuningdek, aholi murojaatlari bilan ishlash tizimini yangi bosqichga olib chiqish, jamoatchilik fikrini chuqur tahlil qilish va murojaatlar bilan ishlash samaradorligini oshirish borasida amalga oshirilgan ishlar yuzasidan mas’ul rahbarlarning axborotlari tinglandi.Sessiyada 2026-yil 1-choragi davomida huquqbuzarlik va jinoyatchilikka qarshi kurashish, ularning oldini olish, jamoat xavfsizligini ta’minlash bo‘yicha amalga oshirilgan ishlar ham muhokama qilindi.Bundan tashqari, shahar mahalliy byudjetining ijrosi, daromadlarning qo‘shimcha manbalarini shakllantirish, mavjud rezervlardan samarali foydalanish hamda mahalliy byudjet tushumlarini oshirish bo‘yicha ko‘rilayotgan choralar yuzasidan hisobotlar eshitildi.Sessiyada shaharda ichimlik va issiq suv ta’minoti, elektr energiyasi bilan uzluksiz ta’minlash, energiya tejovchi texnologiyalarni joriy etish va energiya samaradorligini oshirish, tabiiy gaz hamda chekka hududlarga suyultirilgan gaz yetkazib berish borasida amalga oshirilayotgan ishlar holati ham atroflicha ko‘rib chiqildi.Bundan tashqari sessiyada boshqa masalalar ham muhokama qilinib, kun tartibidagi barcha masalalar yuzasidan deputatlar tomonidan fikr va takliflar bildirildi hamda tegishli qarorlar qabul qilindi.