Qonunchiligimizda ishlayotgan I va II guruh nogironligi boʻlgan shaxslarning pensiya miqdorlari har 2 yilda qayta hisoblab berilishi belgilab qoʻyilgan.

Buning uchun I va II guruh nogironligi boʻlgan shaxslar ularga pensiya tayinlanganidan keyin mehnat faoliyatlarini davom ettirib, 1 yil ish stajiga ega boʻlishlari lozim.

Shundan soʻng, mazkur toifa shaxslarning ish stajlari va ish haqlari toʻgʻrisidagi maʼlumotlar Pensiya jamgʻarmasi tomonidan tegishli tashkilotlarning axborot tizimidan olinib, avtomatik ravishda pensiya miqdorlari qayta hisoblanadi.

Yodda tutish lozim! Bunda  I va II guruh nogironligi boʻlgan shaxslar Pensiya jamgʻarmasi tuman (shahar) boʻlimlariga murojaat qilishlari shart emas.

Pensiya miqdori oshgan taqdirda, pensionerning telefon raqamiga bu haqida SMS-xabarnoma yuboriladi. Telefon raqami nomida boʻlmagan pensionerlarga bu haqida pochta xizmati orqali xabar yetkaziladi.