#press_tur

“Orasta ayol” — xotin-qizlar uchun kasb, tadbirkorlik va mustaqil daromad sari muhim imkoniyat!

Buxoro viloyatida xotin-qizlarning bandligini ta’minlash, ularning o‘z biznesini yo‘lga qo‘yishi va barqaror daromad topishiga ko‘maklashishga qaratilgan “Orasta ayol” loyihasi doirasida OAV vakillari, jurnalist va blogerlar uchun press-tur tashkil etildi.

Kambag‘allikni qisqartirish va bandlik vazirligi tashabbusi bilan amalga oshirilayotgan mazkur loyihaga ko‘ra, 33 nafar xotin-qiz sartaroshlik kasbiga o‘qitildi, ulardan 27 nafari stipendiya bilan ta’minlandi. Kasbiy ta’limni tamomlab, faoliyat boshlagan 22 nafar ayolga go‘zallik salonlari uchun zarur jihozlar topshirildi.

Shuningdek, 7 nafar ayol uchun yengil konstruksiyali go'zallik salonlari qurib berildi, 15 nafarining xonadonlarida zamonaviy uy-salonlari tashkil etildi.

Uy-salonlar — ayollar uchun nafaqat kasb, balki o‘z xonadonida tadbirkorlik qilish, oilasi farovonligiga hissa qo‘shish va moliyaviy mustaqillikka erishish imkoniyatidir.

Press-tur davomida jurnalistlar loyiha ishtirokchilarining faoliyati, erishayotgan natijalari va kelgusi rejalari bilan yaqindan tanishdilar.