Vazirlar Mahkamasining 2026-yil 22-sentabrdagi 505-son qarori bilan mehnat faoliyati bilan bog‘liq baxtsiz hodisalar to‘g‘risida xabar berish, ularni tekshirish va hisobga olish, shuningdek, xodimga yetkazilgan zararning o‘rnini qoplash tizimini takomillashtirish bo‘yicha yangi tartiblar belgilandi.

Qarorga muvofiq:

🔹 mehnat faoliyati bilan bog‘liq baxtsiz hodisalar to‘g‘risida xabar berish, ularni tekshirish va hisobga olish tartibi belgilandi;

🔹 xodimning mehnatda mayib bo‘lishi yoki kasb kasalligi tufayli hayoti va sog‘lig‘iga yetkazilgan zararning o‘rnini qoplash qoidalari tasdiqlandi;

🔹 2026-yil 1-dekabrdan baxtsiz hodisalar to‘g‘risida xabar berish, ularni tekshirish va hisobga olish uchun sun’iy intellektga asoslangan “Xavfsiz mehnat” elektron axborot tizimi joriy etiladi;

🔹 Kambag‘allikni qisqartirish va bandlik vazirligi mazkur elektron axborot tizimining operatori etib belgilandi.

Yangi tartib mehnat jarayonida yuz bergan baxtsiz hodisalarni o‘z vaqtida qayd etish va tekshirish, shuningdek, xodimlarning huquq va manfaatlarini himoya qilish mexanizmlarini yanada takomillashtirishga xizmat qiladi.

Qarorning to‘liq matni bilan quyidagi PDF-faylda tanishishingiz mumkin.