Xitoyning yetakchi agrotexnologiya kompaniyalari bilan hamkorlik istiqbollari muhokama qilindi
2026-06-18 11:00:00 / Vazirlik yangiliklari
Kambag‘allikni qisqartirish va bandlik vazirligida vazirning birinchi o‘rinbosari Marat Jurayev hamda Esquel Group innovatsion-tadqiqot markazining Markaziy Osiyo bo‘yicha inkubatsion loyihalar bosh direktori Chjan Xan boshchiligidagi Xitoy delegatsiyasi vakillari bilan uchrashuv bo‘lib o‘tdi.
Unda Xinjiang Super Tomato Digital Technology, Honghegu Group, Xiaoyu Smart Agriculture va Esquel Group kompaniyalari tomonidan O‘zbekistonda qishloq xo‘jaligini modernizatsiya qilish, issiqxona xo‘jaliklariga zamonaviy texnologiyalarni joriy etish, pomidor yetishtirish va qayta ishlash tarmoqlarini rivojlantirish, shuningdek, agrosohada sun’iy intellekt va raqamli yechimlardan foydalanish istiqbollari muhokama qilindi.
Muloqot davomida Xitoy kompaniyalari tomonidan raqamli qishloq xo‘jaligi, aqlli issiqxona tizimlari hamda agrar ishlab chiqarish samaradorligini oshirishga qaratilgan innovatsion yechimlar taqdim etildi.
Tomonlar O‘zbekiston hududlarida zamonaviy agrotexnologiyalarni joriy etish, mahalliy ishlab chiqaruvchilar bilan hamkorlikni kengaytirish va istiqbolli loyihalarni amalga oshirish bo‘yicha kelishib oldilar.