Anjumanda Xalqaro mehnat tashkiloti, O‘zbekiston Respublikasi Oliy Majlisi Senati, Kasaba uyushmalari Federatsiyasi, O‘zbekiston Respublikasi Prezidenti huzuridagi Ijtimoiy himoya milliy agentligi, O‘zbekiston ish beruvchilar Konfederatsiyasi, Kambag‘allikni qisqartirish va bandlik vazirligi mutasaddilari, olimlar hamda mutaxassislar ishtirok etmoqda.

Tadbirda ta'kidlanganidek, O‘zbekistonda majburiy va bolalar mehnatiga to‘liq barham berilib, munosib mehnat standartlarini joriy etishga kirishildi, xorijda vaqtinchalik mehnat faoliyatini amalga oshirayotgan fuqarolarining huquqiy himoyasi davlat siyosati darajasiga ko‘tarildi, o‘zbek paxtasiga qo‘yilgan boykot bekor qilindi, xalqaro reyting va indekslarda O‘zbekistonning o‘rni yaxshilandi. Natijada jahonning mashhur brendlari O‘zbekiston bozoriga ham kirib kelmoqda.