Og‘ir mahallalarni rivojlantirish bo‘yicha yangi loyihaviy tizim joriy etiladi
2026-01-23 18:45:00 / Vazirlik yangiliklari
▪️Hokim yordamchilari “loyihaviy yondashuv” asosida ishlashga o‘qitiladi va bu “og‘ir” mahallalardan boshlanadi. Har bir tumanda loyihalar portfeli shakllantiriladi.
▪️“Og‘ir” mahallalardagi bo‘sh yerlar va davlat obyektlari narxi 2–3 karra pasaytirilib, sotuvga chiqariladi.
▪️Eng yaxshi natija ko‘rsatgan 100 ta “og‘ir” mahallaga 1 mlrd so‘mdan mablag' ajratiladi va ularning hokim yordamchilari Xitoy, Turkiya, Koreya, Malayziya kabi davlatlarga bir oylik malaka oshirish kurslariga yuboriladi.
▪️“Mahalla yettiligi”ning poytaxtda yo‘lga qo‘yilgan tajribasi barcha tuman va shaharlarda tatbiq etiladi.
▪️Bundan buyon hokim yordamchisi, xotin-qizlar faoli va yoshlar yetakchisi mahalla raisi taqdimnomasi asosida tayinlanadi va ishdan olinadi.
▪️Turizm, ta’lim, tibbiy xizmat, renovatsiya, ko‘l bo‘yi, gavjum ko‘chalar kabi yo‘nalishlarda ham hokim yordamchilari ishtirokida “loyihaviy guruhlar” tashkil qilinadi.