E’LON

Hurmatli tashkilot va korxona rahbarlari, jamiyat a’zolari!

Nogironligi bo‘lgan shaxslarni qo‘llab-quvvatlash, ularning bandligini oshirish va ijtimoiy faolligini kuchaytirish maqsadida O‘zbekiston Respublikasi Prezidentining PQ–57-son qaroriga muvofiq, joriy yilda “Eng yaxshi ish beruvchi” tanlovi o‘tkazilmoqda.

Tanlov g‘oliblarini taqdirlash marosimi Xalqaro nogironlar kuni munosabati bilan tashkil etiladi.

Tadbir sanasi va joyi:

Sana: 3-dekabr
Vaqt: 11:00
Manzil: Toshkent shahri, Kasbiy ko‘nikmalar markazi

Tanlovning maqsadi:

• Nogironligi bo‘lgan shaxslarni ishga qabul qilayotgan ish beruvchilarni rag‘batlantirish
• Ularning bandligini ta’minlash jarayonini qo‘llab-quvvatlash
• Inkluziv mehnat muhitini yaratgan tashkilotlarni ommalashtirish

Tanlov shartlari.

Tanlovda quyidagi mezonlarga javob bergan ish beruvchilar ishtirok etadi:

• Nogironligi bo‘lgan shaxslarni ishga qabul qilgan bo‘lishi
• Ish joyida zarur sharoitlar va moslashtirilgan muhit mavjudligi
• Xodimlarni ijtimoiy qo‘llab-quvvatlash va rag‘batlantirish choralarining yo‘lga qo‘yilgani
• Korxona yoki tashkilotda barqaror bandlik siyosatining yuritilishi
• Mehnat intizomi, xavfsizlik talablari va huquqiy himoyaga rioya qilinishi

Tanlov tartibi:

• Ishtirokchilar oldindan shakllantirilgan ro‘yxat asosida belgilanadi.
• Ish beruvchilar faoliyati baholash komissiyasi tomonidan o‘rganiladi.
• Yakuniy natijalar asosida “Eng yaxshi ish beruvchi” nominatsiyasi bo‘yicha g‘oliblar aniqlanadi.

G‘oliblarni taqdirlash marosimi 3-dekabr kuni tadbir davomida o‘tkaziladi.