O‘zbekiston kasbiy ta’lim jamoasi WorldSkills Asia Taipei–2025 musobaqasiga yo‘l oldi
2025-11-24 10:25:00 / Vazirlik yangiliklari
Bugun Kasbiy ko‘nikmalar markazlari o‘qituvchi va o‘quvchilaridan iborat terma jamoamiz 26–29 noyabr kunlari Taypey shahrida o‘tkaziladigan WorldSkills Asia Taipei–2025 musobaqasida ishtirok etish uchun Xitoyga jo‘nab ketadi.
Bu — O‘zbekistonning kasbiy tayyorgarlik darajasini xalqaro maydonda namoyish etish, 90 ga yaqin davlat vakillari bilan tajriba almashish va yangi marralarni zabt etish imkoniyatidir.
WorldSkills Asia musobaqasi — Osiyo mamlakatlarining eng iqtidorli mutaxassislari o'rtasida tashkil etiladigan yirik kasbiy mahorat tanlovi bo‘lib, unda turli kasb yo‘nalishlari bo‘yicha sinovlar o‘tkaziladi. Ishtirokchilar zamonaviy texnologiyalar bilan ishlash mahoratini namoyish etadi;
Nufuzli musobaqada terma jamoamizga omad va yorqin natijalar tilaymiz!
Bugungi kungacha vazirlik tasarrufidagi Kasbiy ko‘nikmalar markazlarining 150 dan ortiq ishtirokchilaridan 32 nafari xalqaro musobaqalarda sovrinli o‘rinlarni qo‘lga kiritgan.