Niderlandiyada agrotexnologiyalar sohasidagi ilg‘or tajribalar va hamkorlik istiqbollari muhokama qilindi.
2026-06-11 11:00:00 / Yangiliklar
Agrosanoatni rivojlantirish agentligi direktori Nurali Abdullayev World Horti Center (WHC) vakillari bilan uchrashuv o‘tkazdi.
📍 Niderlandiyadagi amaliy tashrif doirasida Agrosanoatni rivojlantirish agentligi direktori Nurali Abdullayev World Horti Center (WHC) vakillari bilan uchrashuv o‘tkazdi.
Uchrashuv davomida:
- bog‘dorchilik va issiqxona xo‘jaligi sohalarida ilg‘or texnologiyalarni joriy etish;
- innovatsion yondashuvlarni amaliyotga tatbiq etish;
- tajriba almashinuvini rivojlantirish hamda istiqbolli hamkorlik yo‘nalishlarini belgilash masalalari muhokama qilindi.
✅ Mazkur uchrashuvda tomonlar bog‘dorchilik va issiqxona xo‘jaligi sohalarida hamkorlikning istiqbolli yo‘nalishlari yuzasidan fikr almashib, o‘zaro manfaatli aloqalarni rivojlantirish masalalarini muhokama qildilar.
📌 Ma’lumot uchun:
World Horti Center (WHC) bog‘dorchilik va issiqxona xo‘jaligi sohasida ta’lim, ilm-fan va biznesni birlashtirgan Niderlandiyaning yetakchi innovatsion markazlaridan biri bo‘lib, zamonaviy agrotexnologiyalarni ishlab chiqish va ularni amaliyotga joriy etish borasida xalqaro miqyosda muhim o‘rin tutadi.