Mazkur holat bo‘yicha, tuman Obodonlashtirish boshqarmasi boshlig‘iga nisbatan Maʼmuriy javobgarlik to‘g‘risidagi kodeksning 51-moddasi 1-qismiga asosan maʼmuriy bayonnoma rasmiylashtirilib, jarima qo‘llanildi.

Bundan tashqari, ushbu baxtsiz hodisa ishlab chiqarish bilan bog‘liq deb topildi va bu bo‘yicha N-1 shaklidagi dalolatnoma rasmiylashtirildi.

Sodir bo‘lgan avtohalokat natijasida vafot etgan xodimning oila aʼzolariga yetkazilgan zarar summasi – marhumaning o‘rtacha olti yillik ish xaqi, yaʼni bir yuz yigirma ikki milion oltiyuz o‘ttiz uch ming so‘m miqdoridagi bir yo‘la to‘lanadigan nafaqa O‘zbekiston Respublikasi Mehnat Kodeksining 328-moddasi talablariga muvofiq, to‘lanadi.

Bundan tashqari, turmush o‘rtog‘iga va 2 nafar farzandlariga 490.000 so‘mdan har oyda to‘lanadigan yetkazilgan zarar summasi O‘zbekiston Respublikasi Mehnat Kodeksining 323-moddasi talablariga asosan to‘lanadi.

Sodir bo‘lgan avtohalokat natijasida og‘ir tan jarohati olgan ishchiga uning davolanishi davomida kasallik varaqalari bo‘yicha to‘lovlarni o‘z vaqtida hisob-kitob qilinishi va to‘lanishini taʼminlash, mehnatga layoqatsizlik darajasi belgilanganda, uning o‘rtacha bir yillik ish xaqi 21 million 313 ming 772 so‘m miqdorida bir yo‘la to‘lanadigan nafaqa summasi va oyma-oy to‘lanadigan yetkazilgan zarar summasi hisoblandi.

Yuz bergan baxtsiz hodisa natijasida xodimlarning oila aʼzolari, farzandlariga boquvchisining vafoti tufayli bir yo‘la nafaqa va oyma-oy to‘lanishi lozim bo‘lgan zarar to‘lovlari Obodonlashtirish boshqarmasi tomonidan amalga oshiriladi va buning ijrosi Davlat mehnat nazorati inspeksiyasi tomonidan nazoratga olinadi.

Maxsus tekshiruv yakuni bo‘yicha, barcha hujjatlar rasmiylashtirilib, belgilangan tartibda hududiy Ichki ishlar organiga yuborilishi taʼminlanadi.