O‘zbеkistоn Rеspublikаsi Yoshlar ishlari agentligi

2023-yilning sentyabr oyidan boshlab “Besh tashabbus olimpiadasi”ning ikkinchi mavsumida ilk bor umumtaʼlim maktablari oʻquvchilari, professional taʼlim muassasalari oʻquvchilari, oliy taʼlim muassasalari talabalari va mahalla yoshlari oʻrtasida alohida-alohida tartibda sport musobaqalari, tanlovlar va intellektual oʻyinlar tashkil etilmoqda. Bugungi kunga qadar olimpiada doirasidagi tadbirlarda ishtirok etish uchun 5tashabbus.uz sayti orqali jami 7 mln 430 ming (mahalla yoshlari oʻrtasida oʻtkaziladigan loyihalarda 4 mln 583 ming, maktab oʻquvchilari oʻrtasidagi loyihalarda 2 mln 449 ming, professional taʼlim muassasalari oʻquvchilari oʻrtasidagi loyihalarda 188 ming, oliy taʼlim muassasalaridagi talabalar oʻrtasidagi loyihalarda 210 ming) nafardan ortiq yoshlar roʻyxatdan oʻtgan. “Besh tashabbus olimpiadasi” mahalla yoshlari oʻrtasida besh bosqichda (mahalla, sektor, tuman(shahar), hududiy va respublika) tashkil etilmoqda. Yoshlar oyligi” doirasida tashkil etilayotgan Besh tashabbus olimpiadasining respublika bosqichlari loyihalari bilan tanishing! Yoshlarning maʼnaviyatini yuksaltirishga oid “Yosh kitobxon” tanlovining hududiy bosqichlari 15-27-noyabr kunlari respublikaning barcha hududlarida o‘tkaziladi. Mahalla yoshlari oʻrtasida oʻtkaziladigan tanlov va musobaqalar: “Milliy va zamonaviy cholgʻu ijrochiligi” tanlovining respublika bosqichi 11-14-dekabr kunlari Jizzax viloyatida; Yoshlar orasida sogʻlom turmush tarzi va sportni ommalashtirish maqsadida “Ichki ishlar vaziri kubogi” uchun voleybol sport musobaqasi A liga bo‘yicha (oʻsmirlar oʻrtasida) 22-25-dekabr kunlari Toshkent shahrida, B liga bo‘yicha 26-29-noyabr kunlari Farg‘ona viloyatida, C liga bo‘yicha 15-18-noyabr kunlari Navoiy viloyatida; “Ichki ishlar vaziri kubogi” uchun voleybol sport musobaqasi A liga bo‘yicha (qizlar oʻrtasida) 21-24-dekabr kunlari Qashqadaryo viloyatida; B liga bo‘yicha 20-23-noyabr kunlari Namangan viloyati, C liga bo‘yicha 26-29-noyabr kunlari Toshkent shahrida; “Bosh prokuror kubogi” uchun (oʻgʻil va qiz) kurash musobaqasi 2-4-dekabr kunlari Buxoro viloyatida; Gimnastrada musobaqasi (oʻgʻil va qiz) 27-29-noyabr kunlari Toshkent shahrida; “Zakovat” intellektual oʻyini 10-dekabr Toshkent shahrida Maktab oʻquvchilari oʻrtasida oʻtkaziladigan “Quvnoqlar va zukkolar” tanlovi 22-25-noyabr kunlari Toshkent shahrida o‘tkaziladi. Professional taʼlim muassasalari oʻquvchilari oʻrtasida oʻtkaziladigan “Quvnoqlar va zukkolar” tanlovi 20-22-dekabr kunlari Toshkent shahrida o‘tkaziladi. Oliy ta’lim muassasalari talabalari o‘rtasida Intellektual olimpiada 13-17-dekabr kunlari Toshkent shahrida o‘tkaziladi.