Ўзбекистон Республикаси Сув хўжалиги вазирлиги

Мазкур Қонун билан “Ўзбекистон Республикаси Олий Мажлиси Қонунчилик палатасининг Регламенти тўғрисида”ги ҳамда “Қонунлар лойиҳаларини тайёрлаш ва Ўзбекистон Республикаси Олий Мажлисининг Қонунчилик палатасига киритиш тартиби тўғрисида”ги Ўзбекистон Республикаси қонунларига қонун лойиҳасини парламентга киритишда қонун лойиҳасининг ва халқаро шартнома лойиҳасининг (матнининг) ўтказилган ҳуқуқий экспертизаси натижаларини, шунингдек қонун лойиҳасининг коррупцияга карши экспертизаси ва у бўйича ўтказилган жамоатчилик муҳокамаси натижаларини тақдим этиш тўғрисидаги талабнинг белгиланишини назарда тутувчи қўшимчалар киритилмоқда.

Қонун билан эндиликда қонунчилик ташаббуси ҳуқуқи субъектига ўзи киритган қонун лойиҳаси иккинчи ўқишда қабул қилингунига қадар Ўзбекистон Республикаси Олий Мажлисининг Қонунчилик палатасига таклиф киритиш орқали уни чақириб олиш ҳуқуқини беришнинг хуқуқий асоси белгиланмоқда.

Бундан ташқари, Ўзбекистан Республикасининг 2021 йил 20 апрелда қабул қилинган “Норматив-ҳуқуқий ҳужжатлар тўғрисида”ги Қонуннинг 21-моддаси қуйидаги мазмундаги иккинчи қисм, яъни “Энг муҳим иқтисодий ва ижтимоий-сиёсий аҳамиятга эга норматив-ҳуқуқий ҳужжат лойиҳасини ишлаб чиқишдан олдин унинг тайёрланиши ҳақидаги ахборот норматив-ҳуқуқий ҳужжатлар лойиҳалари муҳокамаси порталига жойлаштирилади ҳамда жамоатчилик муҳокамалари иштирокчиларидан келиб тушган фикр-мулоҳазалар ва (ёки) таклифлар инобатга олинган ҳолда норматив-хуқуқий ҳужжат лойиҳаси ишлаб чиқилади” шаклида тўлдирилмоқда.

Ушбу Қонун қонунчилик ташаббуси ҳуқуқи субъектларининг қонун ижодкорлиги соҳасидаги фаолияти сифатини оширишга, қонунларнинг ижтимоий муносабатларни тартибга солишдаги ролини мустаҳкамлашга хизмат килади.

Бегзод Ражабов,

Юридик бўлим етакчи юрисконсульти

Ҳужжат матни билан танишиш.