Ўзбекистон Республикаси Сув хўжалиги вазирлиги

Тадбирда Сурхондарё вилояти прокуратураси масъул ходимлари – Ф.Қурбонов, Т.Қорақулов, Б.Ғаффоровлар сўзга чиқиб, Ўзбекистон Республикасининг «Коррупцияга қарши курашиш тўғрисида»ги қонунининг мазмун-моҳияти ҳамда жорий йилнинг 5 март куни давлатимиз раҳбари раислигида Коррупцияга қарши курашиш бўйича миллий кенгашининг йиғилишда белгилаб берилган вазифалар хусусида атрофлича тўхталди.

Хусасан, қишлоқ хўжалиги ва ирригация соҳаларида коррупцион ҳолатларнинг олдини олиш ҳамда порахўрликка қарши тизимли курашиш борасида амалга оширилаётган ижобий ишлар билан бир қаторда айрим хато ва камчиликларга йўл қўйилаётгани таъкидланди. Порахўрликни йўқотишнинг бирдан-бир чораси бу – аввало, ходимларнинг ҳуқуқий маданиятини юксалтиришдан иборат бўлиб, айрим кишиларнинг онгида тузалмас касалликдек ўрнашиб қолган иллатни содир этилишига имкон берувчи ҳолатларга муросасиз курашиш ҳар бир виждонли мутахассиснинг фуқаролик бурчи эканлиги ҳамда коррупцион ҳолатларни содир этганларга жазо муқаррарлиги тушунтирилди.

Тадбирда коррупцион ҳолатларнинг олдини олиш ва кескин курашишга доир самарали таклифлар билдирилди.

Аму-Сурхон ИТҲБ матбуот хизмати