СУВ ХЎЖАЛИГИГА ОИД ҚОНУНЛАР ТАКОМИЛЛАШТИРИЛАДИ
2025-03-19 15:00:00 / Янгиликлар
Давра суҳбатида таъкидландики, Президентимиз томонидан соҳани ривожлантиришга қаратилган қатор фармон ва қарорлар қабул қилиниб, уларни ижро этишнинг аниқ механизмлари белгилаб берилди. Хусусан, “Ўзбекистон Республикаси Сув хўжалигини ривожлантиришнинг 2020 – 2030 йилларга мўлжалланган концепцияси” сув хўжалиги объектларини модернизatsiя қилиш ва ривожлантиришда, соҳага бозор тамойиллари, механизмлари, шунингдек рақамли технологияларни кенг жорий этишда муҳим аҳамият касб этмоқда.
Шунингдек, “Ўзбекистон-2030” стратегиясини “Атроф-муҳитни асраш ва “яшил иқтисодиёт” йилида амалга оширишга оид давлат дастурининг “Сув ресурсларини тежаш ва атроф-муҳитни муҳофаза қилиш йўналиши бўйича 2025 йилга мўлжалланган амалий тадбирлар режаси”да республикада сувдан оқилона фойдаланиш маданиятини ва сув ишлатиш самарадорлигини ошириш, қишлоқ хўжалиги соҳасида сув ресурсларидан оқилона фойдаланишни таъминлаш, ирригatsiя тизими ва сув тежовчи технологияларни ривожлантириш, соҳа бошқарувига хусусий сектор ва давлат-хусусий шериклик механизмларини кенг жорий этиш, шу билан бирга, каналларда сув йўқотилишининг олдини олиш бўйича замонавий ва самарали ёндошувларни жорий қилишга доир утувор вазифалар белгилаб берилди.
Давра суҳбатида Қонунчилик палатаси томонидан қабул қилиниб, куни кеча Сенатнинг ялпи мажлисида маъқулланган “Ўзбекистон Республикасининг “Сув кодекси”и сув ва сувдан фойдаланиш соҳасидаги муносабатларни янги босқичга олиб чиқиши эътироф этилди.
Тадбир якунида халқ вакиллари томонидан соҳага оид қонунларни такомиллаштириш, уларнинг жойлардаги ижросини назорат-таҳлил фаолияти тартибида ўрганиш бўйича вазифалар белгилаб олинди.
Давра суҳбатида Ўзбекистон Республикаси Олий Мажлиси Қонунчилик палатасидаги Ўзбекистон экологик партияси фракциясининг раҳбари Абдушукур Ҳамзаев, Сув хўжалиги вазирининг ўринбосари Зокир Ишпулатов иштирок этди ва сўзга чиқди.
Ахборот хизмати