“ТОШКЕНТ ИРРИГАЦИЯ ВА ҚИШЛОҚ ХЎЖАЛИГИНИ МЕХАНИЗАЦИЯЛАШ МУҲАНДИСЛАРИ ИНСТИТУТИ” МИЛЛИЙ ТАДҚИҚОТ УНИВЕРСИТЕТИ ТОП-1000 РЎЙХАТДАН ЖОЙ ОЛДИ
2025-01-22 20:40:00 / Янгиликлар
Буюк Британиянинг нуфузли Times Higher Education – THE рейтинг ташкилоти “World University Rankings-2025 by Subject” фанлар бўйича дунёнинг энг нуфузли олийгоҳлар рўйхатини эълон қилди.
Ушбу рўйхатда республикамизнинг 3 та олий таълим ташкилоти илк бор фан рейтингидан жой олди. Улар орасида “Тошкент ирригация ва қишлоқ хўжалигини механизациялаш муҳандислари институти” Миллий тадқиқот университети ҳам бор.
Университет табиий фанлар, математика ва статистика йўналишида 301–400, муҳандислик йўналишида 501–600 ўринлар оралиғида қайд этилди.
Биз “Тошкент ирригация ва қишлоқ хўжалигини механизациялаш муҳандислари институти” Миллий тадқиқот университети жамоасини, устозлар ва талабаларни, мазкур таълим даргоҳини битириб, сув хўжалиги ташкилотларида меҳнат қилаётган барчани бу қувончли воқеа муносабати билан қутлаймиз.
Ютуқлар бардавом бўлсин.
Ахборот хизмати