РАСМИЙ МУНОСАБАТ
2024-05-24 09:00:00 / Янгиликлар
2024 йил 20 май куни вазирлик ишчи гуруҳи Қашқадарё вилояти Қамаши тумани Баландчайла қишлоғида жойлашган сув хўжалиги ва мелиорация коллежига бориб, ҳолатни ўрганди.
Ҳақиқатан ҳам коллеж ўқув биносининг 2-корпусидаги ҳозирда фойдаланилмай турган 6 та хонада ипак қурти боқилаётгани маълум бўлди.
Коллеж ёрдамчи тажриба хўжалигининг қишлоқ хўжалиги экинларини экишга мўлжалланган 25,8 гектар ер майдони бўлиб, асосан, пахта ва ғалла етиштирилади. Ишлаб топилган даромад коллежнинг ривожлантириш жамғармасига йўналтирилади. Ушбу ер ҳисобидан туман ҳокимлиги боқиш учун 4 қути ипак қурти берган.
Ишчи гуруҳ коллеж раҳбарияти билан муҳокама ўтказиб, таълим муассасасида ипак қурти боқиш мумкин эмаслигини тушунтирди.
Мазкур ҳолатга йўл қўйганлиги учун коллеж директоридан тушунтириш хати олиниб, унга нисбатан нисбатан интизомий чора кўриш бўйича раҳбариятга таклиф киритилди.
2024 йил 24 май ҳолатига хоналар пилладан тозаланиб, тартибга келтирилди.
Вазирлик томонидан коллежга амалий ёрдам кўрсатилиб, хоналар ёзги таътил вақтида таъмирланади.
Сув хўжалиги вазирлиги тизимида 9 та сув хўжалиги ва мелиорация коллежи мавжуд бўлиб, коллеж фаолияти ишчи гуруҳ томонидан ўрганиб чиқилиб, аниқланган муаммоларни бартараф этиш бўйича “йўл харитаси” ишлаб чиқилмоқда.
Ахборот хизмати