Ўзбекистон Республикаси Сув хўжалиги вазирлиги

Учрашувда Миссиянинг Техник топшириқларига мувофиқ, улар бўйича тақдимотлар ҳам қилинди. Жумладан, тегишли идоралар томонидан Лойиҳа ҳақидаги маълумот ҳужжати тасдиқланиш жараёни ҳолатига баҳо бериш ва Кредит шартномаси ҳамда Грант шартномасини имзолаш бўйича музокараларни бошлаш, Лойиҳани тезкор ишга туширишни таъминлашга қаратилган кейинги қадамлар, шу жумладан, техник ёрдамни жалб қилиш харид қилиш босқичидан контрактни имзолаш каби устувор вазифалар муҳокама этилди.

Делегация вакиллари миссия давомида Қўнғирот туманигача бориб, “Суенли” каналини қўшимча ўрганиш ва тегишли ташкилот вакиллари билан учрашувлар ўтказиши ҳам режалаштирилган.

Маълумот учун: Франция тараққиёт агентлиги, Европа инвестиция банки томонидан молиялаштирилаётган “Қорақалпоғистон Республикасида “Суенли” канали тизимини реконструкция қилиш” лойиҳасининг умумий қиймати 150 млн. АҚШ долларни ташкил этиб, “Суенли” каналининг Тахиатош, Хўжайли, Шуманай, Қонликўл, Қўнғирот ва Мўйноқ туманларидаги қисми реконструкция қилиниши кутилмоқда.

Лойиҳа доирасида “Суенли” каналининг 96,6 км қисми ҳамда гидротехник иншоотларини реконструкция қилиш ва “Суенли” каналининг бош сув олиш иншоотини қайта тиклаш орқали сув таъминоти оғир бўлган 171 минг гектар суғориладиган ер майдонларига кафолатли сув етказиб берилади, шунингдек каналларнинг фойдали иш коэффициентини ўртача 15–30% оширилади.

Қорақалпоғистон Республикаси
Сув хўжалиги вазирлиги Матбуот хизмат