Ўзбекистон Республикаси Олий таълим, фан ва инновациялар вазирлиги ҳузуридаги Инновацион ривожланиш агентлиги

Халқаро ҳамкорлик (2024 йил)

2024 йил давомида 6 та халқаро даражадаги тадбирлар ўтказилиб, 300дан ортиқ илм-фан ва инновациялар соҳасида фаолият олиб борувчи хорижий иштирокчилар иштирок этишди. Халқаро ҳамкорлик алоқаларини йўлга қўйиш ҳамда ривожлантириш мақсадида 5 та Англашув меморандуми имзоланди. 

Маълумот учун:

• 2024 йил 24 май куни Илм-фанни молиялаштириш ва инновацияларни қўллаб-қувватлаш жамғармаси ва Туркиянинг Баликесир Университети ўртасида;
• 2024 йил 14 июнь куни Инновацион ривожланиш агентлиги ва Корея технологияларни ривожлантириш институти ўртасида;
• 2024 йил 15 ноябрь куни Инновацион ривожланиш агентлиги ва Германиянинг Марказий Осиё барқарор инновациялар бюроси (CASIB) ўртасида;
• 2024 йил 16 ноябрь куни Инновацион ривожланиш агентлиги ва ““QazInnovations ” Инновацион ривожланиш миллий агентлиги” АЖ ўртасида;
• 2024 йил 13 декабрда Инновацион ривожланиш агентлиги, Илм-фанни молиялаштириш ва инновацияларни қўллаб-қувватлаш жамғармаси, Россиянинг “Quantum Technologies” қўшма корхонаси МЧЖ ва “Халқаро квант оптикаси ва квант технологиялари маркази” МЧЖ ўртасида англашув меморандумлари имзоланган.

Халқаро тадбирлар

1. 2024 йил 27-28 май кунлари Инновацион ривожланиш агентлиги ва АҚШ Савдо вазирлигининг Савдо ҳуқуқини ривожлантириш дастури (CLDP) ҳамкорлигида “Ўзбекистонда технологиялари трансфери ихтироларини баҳолаш” мавзусидаги икки кунлик семинар ташкил этилди.
2. 2024 йил 13 июнда Корея Республикаси Президенти Юн Сук Ёлнинг мамлакатимизга давлат ташрифи арафасида Инновацион ривожланиш агентлигида Корея халқаро ҳамкорлик агентлиги (KOICA) ва УНИДОнинг Корея Республикасидаги инвестициялар ва технологияларни рағбатлантириш бўлими билан ҳамкорликда семинар ташкил қилинди.
3. 2024 йил 28 июнда Инновацион ривожланиш агентлиги, Ёшлар ишлари агентлиги, ҳамда Ўзбекистон ёшлари умумжаҳон ассоциацияси ҳамкорлигида “Бутунжаҳон ёшлар фестивали” доирасида “Ўзбекистон — Япония Ёшлар Форуми” ташкил этилди.
4. 2024 йил 3 июлда Инновацион ривожланиш агентлигида АҚШ халқаро тараққиёт агентлиги (USAID) билан ҳамкорликда Cлимате Смарт Бусинесс Инкубатор (CSBI) дастури стартапларининг демо куни ўтказилди.
5. 2024 йил 14 ноябрда Инновацион ривожланиш агентлиги томонидан “ШҲТга аъзо давлатлар шериклик форуми: Минтақавий фаровонлик учун инновациялар” мавзусида халқаро тадбир ташкил этилди.
6. 2024 йил 15 ноябрда халқаро донорлар иштирокида “Демо Дай” ташкил этилди.
7. 2024 йил 18 ноябрда АҚШнинг тижорат ҳуқуқини ривожлантириш дастури (CLDP) доирасида “Патент/бозор тадқиқотлари ва маркетинг ҳамда технология трансфери” мавзусида семинар-тренинг бўлиб ўтди.

Расмий учрашувлар

2024 йил давомида Инновацион ривожланиш агентлиги томонидан хорижий давлат ташкилотлари ҳамда халқаро ташкилотлар билан 40 дан ортиқ расмий учрашувлар ташкил қилинди. Хусусан, учрашувлар Америка Қўшма Штатлари, Миср, Италия, Швейсария, Корея, Тожикистон, Франсия, Қатар, Малайзия, Россия, Беларус, Хитой каби давлатлар вакиллари билан учрашув ва музокаралари ташкил этилди.

Учрашувларда ўзаро ҳамкорликни ривожлантириш истиқболлари муҳокама этилди. Шунингдек, хорижий делегациялар вакиллари сўнгги йилларда Ўзбекистонда илм-фан ва инновациялар соҳасида амалга оширилган ислоҳотлар ва эришилган ютуқларнинг мазмун-моҳияти билан таништирилди.